ရက်စွဲ - တစ် (30.11.2005)
ဘုရားကျောင်းရှေ့ မြက်ခင်းပြင်မှာ
တေးသံတွေ ၀ိုင်းဖွဲ့
မီးပုံလေးက တဟုန်းဟုန်း ၀ံ့စား
မင်းမျက်ဝန်း တစ်လဲ့တည်းနဲ့
ငါ . . သံစဉ် တစ်ခု ကောက်ရခဲ့တယ် ။ ။
မီးပုံလေး ငိုက်မြည်းချိန်မှာ
ငါတို့လည်း သံလမ်းနဲ့ အပြိုင်
တိတ်ဆိတ်ခြင်းတွေအပေါ် လျှောက်သွားနေခဲ့ . .
ဒါပေမယ့် . .
သံစဉ်တစ်ခု က ငါတို့ကြား
နှစ်ကိုယ်ကြားလေး မြည်လွခဲ့
အဲဒီညမှာ
နှုတ်ဆက်ခြင်း သင်္ကေတကို
မင်း နဖူးလေး နွေး ရုံမျှ
ဖန်တီးခဲ့တယ်လေ ။ ။ ။
မှ.......ထိ (apr -oct 2006)
ငါတို့ လမ်းလျှောက်ရင်း
ငါတစ်ယောက်တည်း
ငါ့ကိုယ်ငါပါ ပျောက်ရှခဲ့
အမှောင်ထဲမှာ မည်းမည်း မြင်ရာ
ငါ . . . ခင်တွယ်ခဲ့တယ် ။ ။
(2006 oct 11 )
င့ါရင်ကိုဖွင့်လို့
ငါ့ခံစားမှုကို မင်းဖတ်ပြခဲ့တယ်
နှလုံးသားက သူ့ကိုယ်သူ နယ်ချဲ့လို့
မင်းကို ဆက်သ . .
လွမ်းလောက်မယ့်ရက်တွေ
မွေးဖွားဖို့ပေါ့ ။ ။
(2006 dec)
ကောက်သစ်စားပွဲ
ထောင်ကာပွဲ
ခရစ္စမတ်ပွဲ တော်တွေ တစ်လျှောက်
ငါတို့ နှင်းမှုန်တွေ ကောက်စား
နှင်းထဲထိုင်လို့
နှင်းကျနေတာကို အကြိမ်များစွာ
မေ့နေခဲ့ကြပေါ့ ။ ။
2007 Jan 21
အကာလ ညပါပဲ
အမှောင်စရိုက်နဲ့ ငိုက်မြည်းနေတယ်
အဲဒီညမှာ
နှင်းတွေက ငါ့တို့နွေးထွေးမှုကို
စိန်ခေါ်ခဲ့တယ် . . .
အဲဒီညမှာ
နှင်းဆီပွင့်ဖတ်တွေ ပြန့်ကျဲမနေဘူး ။
မိုးသားတွေမှိုင်း လျှပ်စီးတွေ ရိုင်းမနေဘူး ။
အိပ်ယာခင်းတွေ တွန့်ကျေမသွားဘူး ။
ပန်းပွင့် အပေါ် လိပ်ပြာလာမနားဘူး ။
သစ်ကိုင်းပေါ်မှာ ငှက်နှစ်ကောင် ပူးမနေခဲံ့ဘူး ။
ဘာဆိုဘာမှ ဖြစ်မသွားဘူး ။
(ဗီဒီယို ထဲကလို)
ခဏလေး . . ကြယ်ကြွေရာနောက်
လိုက်မျောမိခဲ့ကြတာ . .
ဒါဟာ . . .ငါတို့ရဲ့
နှင်းခါးတွေ အပေါ် အောင်မြင်မှုတဲ့လား ။
ဒီိလိုနဲ့
အခါအခွင့်များစွာ
နမ္မတီး၊ မိုးကောင်း၊ မြစ်ကြီးနား
ငါတို့အတွက် သာယာခဲ့တယ် ။
နေသာလိုက် မိုးရွာလိုက်
လသာလိုက် ညမပါလိုက်
အလိုက်သင့် မျောလို့
အိပ်မက်ကမ်း ကပ်နိုင်ဖို့
ငါတို့ ကြိုးစားခဲ့ကြပေါ့ ။ ။
2008 Dec 4
ကောင်းကင်က
သူ့ရင်ကိုဖွင့်ချ .
နှင်းငွေ့တွေက လောကကို .
ဖွဲ့သီရစ်ဆိုင်း ..
အချိန်က သက်ကြီးခေါင်းချ
.
ငါတို့လည်း ဆိုင်ကယ်တစ်စီးနဲ့
.
နှင်းစို လမ်းမထက်မှာ
ဆိုင်ကယ်လို ပေါက်ကွဲအားနဲ့
ပူလောင်ရင်း နှင်းတွေ ရွှဲစိုနေတယ် ။
ဒီည . . ငါ့ ခါးပေါ်က လက်ဖ၀ါးက
နက်ဖြန် နှုတ်ဆက်တော့မယ် ကြိုသိနေလို့
င့ါရင်ဟာ နှင်းထဲ တ ဖြစ်ဖြစ် မြည်နေတယ် ။
စကားသံတွေ အေးစက်ငြိမ်သက်
၁၂၅ ကောင်လေး မမောခင်
မင်းကို အိမ်ပြန်ပို့ခဲ့ပေါ့ ။
2008 Dec 16
အိပ်မက် ထက်ပိုင်းကျိုး ပါတယ် ။
ဇာတ်လဲ သိမ်းသွားရောပေါ့ ။
