အိပ်မက် ထက်ပိုင်းကျိုး

အဲဒီညကပေါ့

ညက ဒီဇင်ဘာညပီသစွာနဲ့

သူကိုယ်တိုင် ချမ်းမြနေတယ်။. .

အဲဒီညကပေါ့

မျက်နှာဟာ မျက်နှာမှန်းမသိအောင်

ပျက်ယွင်းနေတယ်

တစ်ချက် တစ်ချက်

ငါ့မျက်ဝန်းတွေေ၀၀ါးမိတယ်

ဝမ်းနည်းခြင်းဟာ ကွက်ကျားမိုးလို

ရင်ထဲမှာ ရွာနေလိုက်တာ ....

အဲဒီညကပေါ့

ကျဆုံးနေတဲ့နှလုံးသားကို

ရင်ထဲမှာထားပြီး

ဟန်လုပ်ပြုံးနေရတဲ့ ငါ့မျက်နှာ

အသက်မပါတာ ဘာသာသိလို့

ငါပြန်ပါရစေတော့ ချစ်သူ

မနိုင်မနင်း ထမ်းထားရတဲ့

ဝမ်းနည်းမှုတွေနဲ့

ငါကိုယ်တိုင် လဲမကျခင်လေ။ . .

အဲဒီညကပေါ့

ချစ်သူက

သူသီချင်းတစ်ပုဒ်ဆိုပြီးမှ ပြန်တဲ့ . .

(သူ့) သီချင်းအဓိပ္ပါယ်

(ငါ) နားမလည်ပေမယ့်

နှလုံးသားကတော့ ရေနက်ထဲ ဆွဲချခံရသလို

မွန်းကျပ်နေတယ် ။ ။

တေးသွားက သားသတ်သမားရဲ့

ဓါးသွေးသံလို

ရင်ခွင်တစ်လျှောက် ဖြတ်လျှသွားတယ်

ကျေနပ်ပါတော့ ချစ်သူ ငါပြန်ခဲ့ပါပြီ ။ . . .

အဲဒီညကပေါ့

နှလုံးသားနဲ့ အနီးတစ်ဝိုက်မှာ

လေဖိအားနည်း ရပ်ဝန်း ဖြစ်ပေါ်နေတယ်

မျက်ဝန်းတွေရဲ့ အနီးတစ်ဝိုက်မှာလည်း

တိမ်ဖြစ်ထွန်းလို့ ရွာရန်ရာနှုန်း သုည

( ရင်ထဲမှာ ၁၀၀ % )

နှလုံးသားကို ဗဟိုပြုတိုက်ခတ်နေတဲ့

မုန်တိုင်းကြောင့် စိတ်တွေလည်း

ကစဥ့်ကလျား လွင့်စင်နေတယ် . . . .

အဲဒီညကစလို့ပေါ့

ချစ်သူရဲ့ အနီးတစ်ဝိုက်မှာ

ပျော်ရွှင်ခြင်းတွေ ဖြစ်ထွန်းနိုင်ပါစေလို့

ဆုတောင်းခဲ့ပါတယ် ။ . .

နောက်နေ့တွေက စလို့ပေါ့

ရင်ဗလာနဲ့

စိတ်ဒဏ်ရာသင့်နေတဲ့

သူတစ်ယောက်ကို တွေ့ခဲ့ရင်

မင်း နှုတ် မ ဆက် ပါ နဲ့ တော့ ။ ။ ။ ။